सिन्धू शब्द जी उपति ऐं मूलु माना

सिन्धू शब्द जी उपति ऐं मूलु माना

ॿोली या भाषा जी सादी माना आहे -- हिक थाव-हन्ध में रहणवारनि माण्हुनिं जी सम्झ में ईंदड़ ऐं ॼातल-सुञातल माना वारे ॿोलनि जो भन्डारु माना ॿोली या भाषा ।
           सिन्धू नन्दीअ जी माना वारो ॿोलु आहे, ईहो वेदनि में बि चयलु आहे । भाषा/ॿोली ऐं भूमीअं जो हिक-ॿे सां अटूटु नातो हूंदो आहे । ॿोलीअ जे द्वारा ई उनजी भूमी या देश खे नालो मिलंदो आहे -- जेको उन भूमीअं जी नन्दीअ या कहिं ॿे आधार ते रखियलु हूंदो आहे -- इन्हं करे पंहिंजी भूमीअं जे बिना कहिं बि ॿोलीअ जी न त काई सुञाणप हूंदी आहे ऐं न ई भूमीअं जे बिना काई बि ॿोली वधिक समुह ताईं जी सघंदी आहे -- जीअं-जीअं उनजा ॻाल्हाइण-ॿोल्हाइण वारा माण्हूं, पंहिंजी ॿोलीअ जी भूमीअं खां परे थींदा वेंदा आहिनि -- तीअं-तीअं पंहिंजी ॿोलीअ खां परे थींदा वेंदा आहिनि ऐं इन्ह तरह ॿोली विञाइजंदी वेंदी आहे ऐं माण्हूं बि पंहिंजी सुञाणप विञाए छॾींदा आहिनि ।
           सभिनी माण्हुनि ऐं जीवनि जे जीआपे जो आधारु जलु हूंदो आहे -- ऐं सभखां साफु-पाकु जलु नन्दीअ जो ई हूंदो आहे, छो त नन्दी लॻातारि वहंदी रहंदी आहे -- जल रूपी नन्दीअ सां 'सन्ध्अ' माना जोड़ु थियण जे कारणि इन्हं नन्दीअ खे 'सिन्धू' नामु-नालो ॾिनो वयो ऐं जहिं भूमीअं में ईहा वहंदी हुई, उन्हंखे 'सिन्धू भूमी' नालो ॾिनो वयाे । इन्हंलाइ वेदनि में सिन्धूअ खे नदी वाचक चयो वेंदो आहे ।   
           पन्जाब जूं रावी, व्यास, झेलम, चनाब, सतलज ईहे पन्ज ऐं छहीं सरस्वती, सिन्धूअ में मिली करे सिन्धू सागर में मोक्ष-मिकिती पाईदियूं आहिनि -- इन्हंकरे इन्हंनि सतनीं नन्दिनि जी  पूरी पखेड़-खेत्र खे "सप्त सैन्धव देशु" चयो वयाे ।
           सिन्धू शब्द जी मूलु क्रिया 'सन्ध्अ' करिणु माना सन्धी करिणु आहे --इन्हंजी उबितड़ि माना वारो शब्दु आहे 'सन्धो' माना भेदु -- इन्हं जे आधार ते ई बणियलु शब्दु आहे 'सांदहि' (ध = द+ह) माना लॻातारि ।
        
प्रेम तनवाणी - 9685943880
संकलित
डॉ लाल थदानी 8005529714
www.drlalthadani.in
Please Download n Share My App
Live Healthy (Dr.Lal)