महालक्ष्मी जी कथा/ अठों श्राद्ध

🔥  *सिंधियत जी जोति*                 
      🌹 *महालक्ष्मी जी कथा * 🌹
       
                अजु॒ असांजो सिंधी डि॒णु महालक्ष्मी आहे. इहो डि॒णु अठें श्राद्ध  ते मल्हायो वेंदो आहे. असां डि॒सी रहिया आहियूं त अजु॒ जी *नईं ठही*(पीढ़ी), असांजे *सिंधी रीति-रिवाजनि* खां परे थींदी थी वञे , छाकाणि त उन्हनि डि॒णनि खे असांजो *सिंधी समाज* छो मल्हाईंदो आहे इनजी जा॒ण ई कोन आहे. हीउ डि॒णु *माता लक्ष्मी* जी कृपा दृष्टि परिवार जे मथां बणिजी रहे इन करे मल्हायो वेंदो आहे. हिन डि॒ण जी *हिक कथा* आहे ,उहा अव्हांजे साम्हूं रखणु चाहींदसि...

                   🙏🏻  *कथा* 🙏🏻
     
                   *हिक राजा* खे कहिं *दरवेश* हिकु *पीलो धागो॒ (सग॒ड़ो )* डि॒नो .उहो सग॒ड़ो खणी *राजा महल* में आयो ऐं *राणीअ* खे डे॒ई करे हथ में ब॒धण लाइ चयो. राणीअ उहो सग॒ड़ो फिटी करे छडि॒यो. उहो ई सग॒ड़ो महल जी *नौकराणी* खणी मथे ते लगा॒ए हथ में ब॒धियो .
              राणीअ सग॒ड़े जो अपमानु कयो त उहा *होरियां-होरियां गरीबु* थींदी वई ऐं उन जे मथां *हार जी चोरीअ जो डो॒हु* बि लगो॒ , राजा उनखे महल मां बा॒हिर कढी छडि॒यो. उते ई नौकराणीअ सग॒ड़े खे सम्मान डि॒नो त उन वटि अपार धन-दौलत अची वेई ऐं उहा महाराणीअ वांगु॒र जीवनु जीअण लगी॒.
              राणी दुखी मन सां *जंगल* मे हली वई , *उन जा पेर जिते पवनि पया उतां जा वण , खूअ, नदियूं सब सुकी विया.जंगल में हिक झूपड़ीअ में राणी रहण लगी॒ , हिकु संत घुमंदे -घुमंदे राणीअ वटि पहुंतो*, राणीअ खे डि॒सी हू सबु समुझी वयो. हुन राणीअ खे सग॒ड़ो डि॒नो , राणी उन सग॒ड़े खे सम्मान सां हथ ते ब॒धियो. हुन *संत राणीअ खे अक्खो ( खीरु ऐं मिश्रीअ जो घोलु )* डि॒नो एं चयो त तूं महिल में मोटी वञु , तुहिंजो धन-वैभव मोटी मिलंदो ऐं मोटंदे वक्तु हिन अक्खे जा *छंडा* हणंदी वञु .
                 राणीअ संत जी गा॒ल्हि मञी करे छंडो हयों त सभेई वण सावा थी वया .खूअ, नदियूं पाणीअ सां भरिजी वया, जेको हारु चोरी थियो हो उहो मोटी मिलयो ऐं राणीअ खे पहिंजो सन्मानु बि मोटी मिलयो.
             असां इन करे अजु॒ बि *महालक्ष्मीअ*  जो डि॒णु वडे॒ श्रद्धा भाव सां मल्हाईंदा आहियूं. हिन डीं॒हं ते घर मे तरह-तरह जा पकवान ऐं मिठायूं ठहंदियूं आहिनि. शाम जो सग॒ड़ो छोड़े करे हिक पूड़ीअ जे मथां ब॒धी करे *महाराज स्वामीअ ( ब्राह्मण देवता )* खां कथा बु॒धी असां हिन डि॒ण खे पूरो कंदा आहियूं .
              त अचो दोस्तउ असां सभेई गडि॒जी करे सिंधी डि॒ण मल्हायूं , असांजे सिंधी रीति - रिवाजनि सां ई असांजी सिंधियत कायमु आहे. जे असां सिंधी संस्कृति ऐं सभ्यता खां परे थींदासीं त असांजे बा॒रनि खे सिंधी हुअण ते गर्वु कीअं थींदो ?
           *सभेई प्यार सां चओ "महालक्ष्मी माता जी जय"*.........          
               3.10.2018
                ✍🏻 *तमन्ना मतलानी*
                            *गोंदिया*
                       *०२/१०/२०१८*