धनतेरस / तमन्ना मतलाणी

🙏 *जय झूलेलाल* 🙏

🔥  *सिंधियत जी जोति*                  

  🌹 *धनतेरस* 🌹 

              

                   जीअं त असां सभिनी खे जा॒ण आहे त अजु॒ धनतेरस जो डि॒णु आहे. हर साल वांगु॒र असां सभेई *हिन्दू रीति-रिवाज* जे मूजिब इन डि॒ण खे मल्हाइण लाइ बाजार वञी करे कुझु *नईं शयुनि जी खरीद* कंदासीं.

                  इन डीं॒हं ते *सोनु , चांदी , स्टील* या कहिं *बि॒ए प्रकार जी धातूअ जी खरीदी खे शुभ मञियो* वेंदो आहे.  असां *सिंधी परिवार* पहिंजी हैसियत ऐं जरूरत जे आधार ते इन्हनि धातुनि जी खरीद कंदा आहियूं.

                  असां सिंधी वापारी कौम जा आहियूं इन करे असां सभिनि खे जा॒ण आहे त वापार सां केतरनि ई माण्हुनि खे रोजगार मिलंदो आहे. रुगो वापारीअ जो ई न बल्कि घणेई बिए परिवारनि जो अस्त्तित्व बि बाजार जी रौनक ते आश्रित आहे.  इन करे असां सभेई अजु॒ हिकु निर्णय कयूं त असां को बि सामान  online मार्केट मां न घुराए करे सिधो बाजार मां खरीद कंदासीं . इन जो सिधो फाइदो असांजी वापारी कौम खे मिलंदो ऐं असांजे देश जो पैसो विदेशी कंपनियुनि जे माध्यम सां बा॒हिर न वेंदो.

                 धनतेरस जी कथा मूजिब अजु॒ जो डीं॒हुं *देवताउनि जे वैद्य धन्वंतरि* खे समर्पित आहे. कथा में बु॒धायो वयो आहे त....

                 हिकु भेरो *यमराज*, *दूतनि* खां पुछियो त कहिंजा प्राण *खसींदे समय* तव्हांजे मन मे *दया भाउ* न ईंदो आहे छा ? *देव-दूतनि यम जे भव* खां चयो त *"असां त रुगो॒ पहिंजो फर्जु निभाईंदा आहियूं. पर कहिंजी अकाल मृत्यु जो अफसोस असांखे बि थींदो आहे."*

                देवदूतनि बि हिमथ करे यमराज खां हिकु सुवालु कयो, *छा अकाल मृत्यु खे टारण जो को रस्तो आहे?* यमराज वडे॒ मनोयोग सां जवाबु डि॒नो त, *जेको माण्हू धनतेरस जे डीं॒हुं ड॒खिण दिशा में डी॒यो बा॒रींदो उन जी अकाल मृत्यु कड॒हिं बि कोन थींदी.*

              त अचो साथियो असां सभेई  पूरे *शरदा-भाव* सां धनतेरस जो डि॒णु मल्हाए करे यमराज खां *वडी॒ आवरजा* जो वरदान घुरी करे पहिंजनि जी खुशहालीअ जो मार्गु सवलो कयूं......     

             

              *सभिनी खे धनतेरस जूं शुभकामनाऊं , लक्ष्मी माता सभिनी जी झोली धनधान्य सां भरिपूरु करे.....* 

              

              ✍🏻 *तमन्ना मतलाणी*

                            *गोंदिया* 

                        *२५/१०/२०१९*